Hanuman Chalisa
हनुमान चालीसा
Full Text / Lyrics
हनुमान चालीसा (Hanuman Chalisa)
श्री गोस्वामी तुलसीदास जी द्वारा रचित (By Goswami Tulsidas)
दोहा (Doha)
श्रीगुरु चरन सरोज रज, निज मनु मुकुरु सुधारि ।
बरनउँ रघुबर बिमल जसु, जो दायकु फल चारि ॥
*Shri Guru Charan Saroj Raj, Nij Manu Mukuru Sudhari,
Barnau Raghubar Bimal Jasu, Jo Dayaku Phal Chari.*
बुद्धिहीन तनु जानिके, सुमिरौं पवन-कुमार ।
बल बुद्धि विद्या देहु मोहिं, हरहु कलेस विकार ॥
*Buddhiheen Tanu Janike, Sumirau Pavan Kumar,
Bal Buddhi Vidya Dehu Mohi, Harahu Kalesh Vikar.*
चौपाई (Chaupai)
जय हनुमान ज्ञान गुन सागर । जय कपीस तिहुँ लोक उजागर ॥१॥
Jai Hanuman Gyan Gun Sagar. Jai Kapis Tihun Lok Ujagar.
राम दूत अतुलित बल धामा । अंजनि-पुत्र पवनसुत नामा ॥२॥
Ram Doot Atulit Bal Dhama. Anjani Putra Pavansut Nama.
महाबीर बिक्रम बजरंगी । कुमति निवार सुमति के संगी ॥३॥
Mahabir Bikram Bajrangi. Kumati Nivar Sumati Ke Sangi.
कंचन बरन बिराज सुबेसा । कानन कुंडल कुंचित केसा ॥४॥
Kanchan Baran Biraj Subesa. Kanan Kundal Kunchit Kesa.
हाथ बज्र औ ध्वजा बिराजे । काँधे मूँज जनेऊ साजे ॥५॥
Hath Bajra Au Dhwaja Biraje. Kandhe Moonj Janeu Saje.
शंकर सुवन केसरीनंदन । तेज प्रताप महा जग बन्दन ॥६॥
Shankar Suvan Kesarinandan. Tej Pratap Maha Jag Bandan.
विद्यावान गुनी अति चातुर । राम काज करिबे को आतुर ॥७॥
Vidyavan Guni Ati Chatur. Ram Kaj Karibe Ko Atur.
प्रभु चरित्र सुनिबे को रसिया । राम लखन सीता मन बसिया ॥८॥
Prabhu Charitra Sunibe Ko Rasiya. Ram Lakhan Sita Man Basiya.
सूक्ष्म रूप धरि सियहिं दिखावा । बिकट रूप धरि लंक जरावा ॥९॥
Sukshma Roop Dhari Siyahi Dikhava. Bikat Roop Dhari Lanka Jarava.
भीम रूप धरि असुर सँहारे । रामचंद्र के काज सँवारे ॥१०॥
Bheem Roop Dhari Asur Sanhare. Ramchandra Ke Kaj Sanvare.
लाय सजीवन लखन जियाये । श्रीरघुबीर हरषि उर लाये ॥११॥
Lay Sajivan Lakhan Jiyaye. Shri Raghubir Harashi Ur Laye.
रघुपति कीन्ही बहुत बड़ाई । तुम मम प्रिय भरतहि सम भाई ॥१२॥
Raghupati Kinhi Bahut Badai. Tum Mam Priya Bharatahi Sam Bhai.
सहस बदन तुम्हरो जस गावैं । अस कहि श्रीपति कंठ लगावैं ॥१३॥
Sahas Badan Tumhro Jas Gavain. As Kahi Shripati Kanth Lagavain.
सनकादिक ब्रह्मादि मुनीसा । नारद सारद सहित अहीसा ॥१४॥
Sanakadik Brahmadi Munisa. Narad Sharad Sahit Ahisa.
जम कुबेर दिगपाल जहाँ ते । कवि कोविद कहि सके कहाँ ते ॥१५॥
Jam Kuber Digpal Jahan Te. Kavi Kovid Kahi Sake Kahan Te.
तुम उपकार सुग्रीवहिं कीन्हा । राम मिलाय राजपद दीन्हा ॥१६॥
Tum Upkar Sugrivahi Kinha. Ram Milay Rajpad Dinha.
तुम्हरो मंत्र विभीषन माना । लंकेश्वर भए सब जग जाना ॥१७॥
Tumhro Mantra Vibhishan Mana. Lankeshwar Bhaye Sab Jag Jana.
जुग सहस्र जोजन पर भानू । लील्यो ताहि मधुर फल जानू ॥१८॥
Jug Sahasra Jojan Par Bhanu. Lilyo Tahi Madhur Phal Janu.
प्रभु मुद्रिका मेलि मुख माहीं । जलधि लांघि गये अचरज नाहीं ॥१९॥
Prabhu Mudrika Meli Mukh Mahin. Jaladhi Langhi Gaye Acharaj Nahin.
दुर्गम काज जगत के जेते । सुगम अनुग्रह तुम्हरे तेते ॥२०॥
Durgam Kaj Jagat Ke Jete. Sugam Anugrah Tumhre Tete.
राम दुआरे तुम रखवारे । होत न आज्ञा बिनु पैसारे ॥२१॥
Ram Duare Tum Rakhvare. Hot Na Aagya Binu Paisare.
सब सुख लहै तुम्हारी सरना । तुम रक्षक काहू को डर ना ॥२२॥
Sab Sukh Lahai Tumhari Sarna. Tum Rakshak Kahu Ko Dar Na.
आपन तेज सम्हारो आपै । तीनों लोक हांक तें कांपै ॥२३॥
Aapan Tej Samharo Aapai. Teenon Lok Hank Te Kanpai.
भूत पिसाच निकट नहिं आवै । महाबीर जब नाम सुनावै ॥२४॥
Bhoot Pisach Nikat Nahi Aavai. Mahabir Jab Naam Sunavai.
नासै रोग हरै सब पीरा । जपत निरंतर हनुमत बीरा ॥२५॥
Nasai Rog Harai Sab Peera. Japat Nirantar Hanumat Beera.
संकट तें हनुमान छुड़ावै । मन क्रम बचन ध्यान जो लावै ॥२६॥
Sankat Te Hanuman Chhudavai. Man Kram Bachan Dhyan Jo Lavai.
सब पर राम तपस्वी राजा । तिन के काज सकल तुम साजा ॥२७॥
Sab Par Ram Tapasvi Raja. Tin Ke Kaj Sakal Tum Saja.
और मनोरथ जो कोई लावै । सोइ अमित जीवन फल पावै ॥२८॥
Aur Manorath Jo Koi Lavai. Soi Amit Jeevan Phal Pavai.
चारों जुग परताप तुम्हारा । है परसिद्ध जगत उजियारा ॥२९॥
Charon Jug Partap Tumhara. Hai Parsiddh Jagat Ujiyara.
साधु संत के तुम रखवारे । असुर निकंदन राम दुलारे ॥३०॥
Sadhu Sant Ke Tum Rakhvare. Asur Nikandan Ram Dulare.
अष्ट सिद्धि नौ निधि के दाता । अस बर दीन जानकी माता ॥३१॥
Ashta Siddhi Nau Nidhi Ke Data. As Bar Deen Janaki Mata.
राम रसायन तुम्हरे पासा । सदा रहो रघुपति के दासा ॥३२॥
Ram Rasayan Tumhre Pasa. Sada Raho Raghupati Ke Dasa.
तुम्हरे भजन राम को पावै । जनम जनम के दुख बिसरावै ॥३३॥
Tumhre Bhajan Ram Ko Pavai. Janam Janam Ke Dukh Bisravai.
अंत काल रघुबर पुर जाई । जहाँ जन्म हरि-भक्त कहाई ॥३४॥
Ant Kaal Raghubar Pur Jai. Jahan Janma Hari Bhakt Kahai.
और देवता चित्त न धरई । हनुमत सेइ सर्ब सुख करई ॥३५॥
Aur Devta Chitt Na Dharai. Hanumat Sei Sarb Sukh Karai.
संकट कटै मिटै सब पीरा । जो सुमिरै हनुमत बलबीरा ॥३६॥
Sankat Katai Mitai Sab Peera. Jo Sumirai Hanumat Balbeera.
जय जय जय हनुमान गोसाईं । कृपा करहु गुरुदेव की नाईं ॥३७॥
Jai Jai Jai Hanuman Gosain. Kripa Karahu Gurudev Ki Nain.
जो सत बार पाठ कर कोई । छूटहि बंदि महा सुख होई ॥३८॥
Jo Sat Bar Path Kar Koi. Chhutahi Bandi Maha Sukh Hoi.
जो यह पढ़ै हनुमान चालीसा । होय सिद्धि साखी गौरीसा ॥३९॥
Jo Yeh Padhai Hanuman Chalisa. Hoy Siddhi Sakhi Gaurisa.
तुलसीदास सदा हरि चेरा । कीजै नाथ हृदय महँ डेरा ॥४०॥
Tulsidas Sada Hari Chera. Kijai Nath Hriday Mah Dera.
दोहा (Concluding Doha)
पवन तनय संकट हरन, मंगल मूरति रूप ।
राम लखन सीता सहित, हृदय बसहु सुर भूप ॥
*Pavan Tanay Sankat Haran, Mangal Moorti Roop.
Ram Lakhan Sita Sahit, Hriday Basahu Sur Bhoop.*
The Hanuman Chalisa, composed by Goswami Tulsidas in the 16th century, is the most widely recited Hindu devotional hymn. It contains 40 verses (chaupais) praising Lord Hanuman. Best recited on Tuesdays and Saturdays.